Kia mihi taurangi atu
Ki te Kīngi kua moe e
Ki te iwi nui tonu
E arohatia nei e
Tau mai tō waka
Ki te pou herenga tapu
Kia hora te marino ki te Kāhui Ariki e
Auē, auē taukuri e!
Tangi hotuhotu ana
Haehaetia ana te kiri I te mamae
Kua ohorere te iwi Māori I te karere
Ko koe tēna kei tō mātou Kīngi kua riro
Kua mutu tō māuiui
Kua mutu tō mamae
Waiho mātou ki muri nei
Kia mōteatea ai ō tini mahinga ringawhero
Haere atu rā koe ki te hono I wairua
Haere atu rā koe ki te Kupenga o Taramainuku
Whanga atu ai ki te putanga o Pohutukawa
Kia whetūrangitia koe
Haere, haere, haere atu rā
"A man of the people. He listened with a willingness to understand. Recently he reminded us all to “be Māori”. A compelling message in this challenging time of change".
Merepeka Raukawa-Tait
